Jana Mosquera Rodríguez 2ºBach A

Presentación en Open Office Impress

Actividade 3 páxina 82. Máquinas virtuais Virtual Box e VMWare. Hai que buscar información na rede, en calquera páxina agás en Wikipedia.

Seguindo as indicacións das páxinas 229-245, fai unha presentación en Open Office Impress de 10 diapositivas, 5 para cada máquina virtual. Ademáis unha primeira diapositiva adicional debe incluir nome do alumno, nome do traballo, curso, data e o nome IES Val do Tea. Tamén debe aparecer o tema musical empregado e o nome do grupo que o toca.
A presentación debe incluir:

10 transicións distintas entre as 11 diapositivas. A presentación debe avanzar soa, seleccionando "Avanzar diapositiva automáticamente" durante o tempo necesario para poder visualizala.
Un tema musical de música galega non tradicional. Debe soar durante toda a presentación. Para que sexa así hai que inserilo na primeira transición e marcar a casiña "Repetir ata o seguinte son". Podes buscar música na seguinte ligazón e descargala a mp3 de Youtube dende aquí.
Unha UNICA ligazón a algún sitio web onde se fale das máquinas virtuais (de unha delas é suficiente).
Un UNICO vídeo onde se fale das máquinas virtuais (de unha delas é suficiente). Duración aprox. 2 minutos. Para descargalo de Youtube con Mozilla podes empregar DownloadHelper dispoñible aquí.
En cada diapositiva debe haber texto e algunha imaxe (excepto na diapositiva na que hai vídeo, nese caso non debe ir imaxe).
En cada diapositiva debe haber unha UNICA animación no texto ou na imaxe. Todas as animacións deben ser distintas. Para que a presentación avance soa nas animacións hai que seleccionar "Avanzar despois do anterior" no efecto seleccionado.

O formato de texto,tamaño de letra e cores empregadas é libre, pero debe existir proporción entre imaxes e texto.
Crea un cartafol en Google Sites co nome "Máquinas virtuais" para subir a presentación (o nome do arquivo será "Máquinas virtuais"+nome+1ºapelido+curso), o vídeo e a música. O cartafol debe permitir o acceso só ó alumno e á profesora (mediante o meu email) para editar. En caso que o tamaño do arquivo non permita subilo a Google Sites podes empregar Dropbox.
Crea unha entrada no teu blog co título "Máquinas virtuais" e dentro dela inclúe un texto con ligazón a o cartafol de Google Sites onde deben estar a presentación, o vídeo e a música.

jueves, 3 de marzo de 2016